Bakıda mübahisələr qanlı bitdi

20.02.2020 Off By admin

Xəzər rayonunda iki bıçaqlanma hadisəsi baş verib.

Oxu.Az xəbər verir ki, hadisələrdən biri Südçülük sovxozunda qeydə alınıb.

1995-ci il təvəllüdlü Sadıqov Cavid Sevindik oğlu naməlum şəxslərlə mübahisə edib.

Əlbəyəxa davaya çevrilən mübahisə zamanı C.Sadıqov qarın nahiyəsindən bıçaqlanıb. Yaralı ağır vəziyyətdə 3 saylı Şəhər Klinik Xəstəxanasına yerləşdirilib.

Ona qarının ön divarının kəsilmiş-deşilmiş yarası diaqnozu qoyulub və Reanimasiya şöbəsinə yerləşdirilib.

Digər hadisə isə Buzovna qəsəbəsi, Albalılıq yaşayış massivində qeydə alınıb.

Massivdə mühafizəçi işləyən 1980-ci il təvəllüdlü Qayıbov Pənah Şükür oğlu tanımadığı şəxslərlə mübahisə zamanı bədənin müxtəlif nahiyələrindən çoxsaylı bıçaq xəsarətləri alıb.

Yaralı ağır vəziyyətdə 3 saylı Şəhər Klinik Xəstəxanasına çatdırılıb. Bədənin çoxsaylı kəsilmiş-deşilmiş yaraları diaqnozu qoyulan P.Qayıbov reanimasiya şöbəsinə yerləşdirilib.

Hər iki hadisənin təfərrüatı ilə bağlı Xəzər Rayon Polis İdarəsində araşdırma aparılır.

Xəbəri paylaş: